I den mørke årstida vil vi gjerne ha andre smakar og lukter enn den lysare årstida. I Polarnatt fokuserer vi på mørke, røsta maltsmakar i lag med ein lett røyktone. Røyksmaken får vi frå malt, som har blitt tørka over kirsebærved. Dette ølet er tenkt både som eit koseøl på mørke kveldar, eller som følgje til tradisjonell røykt julemat, som til dømes pinnekjøt og pølser.